2016 жылға қоғамдық жұмыстарды ұйымдастыру туралы

2015 жылғы  30  желтоқсан    №272     Бейнеу  селосы

2016  жылға  қоғамдық  жұмыстарды  ұйымдастыру  туралы

  «Халықты  жұмыспен  қамту  туралы»  2001  жылғы  23  қаңтардағы  Қазақстан  Республикасының  Заңына  және  «Халықты  жұмыспен  қамту  туралы»  Қазақстан  Республикасының  2001  жылғы  23  қаңтардағы  Заңын  іске  асыру  жөніндегі  шаралар  туралы»  2001  жылғы  19  маусымдағы   №836  Қазақстан  Республикасы  Үкіметінің  қаулысына  сәйкес  Бейнеу ауданының  әкімдігі  ҚАУЛЫ  ЕТЕДІ: 

  1. Бейнеу ауданы бойынша 2016 жылға қоғамдық жұмыстарға  сұраныс пен ұсыныс осы қаулының 1–қосымшасына  сәйкес  айқындалсын.

2. 2016  жылға  қоғамдық жұмыстар  жүргiзiлетiн  ұйымдардың  тiзбесi,  қоғамдық  жұмыстардың  түрлерi,  көлемi  мен  нақты  жағдайлары, қатысушылардың еңбегіне төленетін ақының мөлшерi  және оларды қаржыландыру  көздерi  осы  қаулының 2–қосымшасына  сәйкес  бекітілсін. 

  3. Осы  қаулыны  орындау,  тиісті  ұйымдармен  келісім  шарт   жасау  «Бейнеу аудандық  жұмыспен  қамту  және  әлеуметтік  бағдарламалар бөлімі»  мемлекеттік  мекемесіне  (Б.Өмірбеков)  жүктелсін. 

  4. Осы  қаулының  орындалысын  бақылау  аудан  әкімінің  орынбасары  К.Машырықовқа  жүктелсін. 

  5. «Бейнеу  аудандық  жұмыспен  қамту  және  әлеуметтік  бағдарламалар  бөлімі»  мемлекеттік  мекемесі (Б.Өмірбеков)  осы   қаулының  «Әділет»  ақпараттық–құқықтық  жүйесінде  және   бұқаралық  ақпарат  құралдарында  ресми  жариялануын,  аудан  әкімдігінің интернет–ресурсына орналастырылуын  қамтамасыз   етсін.

6. Осы  қаулы  әділет  органдарында  мемлекеттік  тіркелген  күннен  бастап  күшіне  енеді  және  ол  алғашқы  ресми  жарияланған   күнінен   кейін  күнтізбелік  он  күн  өткен  соң  қолданысқа  енгізіледі. 

Аудан  әкімінің  міндетін  атқарушы     К.Машырықов