Маңғыстау облысы

Бейнеу ауданы

Аудан әкімдігінің ресми интернет-ресурсы

Хабарландыру

Құрметті Берекелі Бейнеудің тұрғындары және қонақтары!

Ауданымыз үшін биылғы жыл жақсы жаңалықтармен басталды. Екі үлкен құрылыс жұмыстары жүргізіліп жатыр. Біріншісі Бейнеу лицейі мен Ж.Қалдығараев атындағы орта мектептің жанында құрылысы басталған «Дене шынықтыру және сауықтыру орталығы» болса, екіншісі көпқабатты үйлердің жанынан нақты айтқанда Ж.Қалдығараев атындағы көшенің бойынан салынып жатқан 4 қабатты «Қос жүрек» атты тұрғын үй кешені болып тұр. Әрине ауданымыз күнен-күнге өсіп өркендеп келеді.

Бұл «Қос жүрек» тұрғын үй кешенін салу аудан әкімі Әбілов Бейнеубек Көңілімқосұлының қолдауымен инвесторлардың өз қаражатымен салынып жатыр. Жалпы осы жылдың аяғына дейін аяқтау көзделіп отыр. Тұрғын үй кешені төрт қабатты, астыңғы қабаты кәсіпкерлерге пайдалануға беріледі. Ал жалпы мұнда 1 және 2 бөлмелі 80 пәтер орналасады. Әр шаршы метрі тоқсан мың теңгеден басталады. Ал тұрғындар үшін жеңілдіктерде қарастырылған. Егер тұрғындар елу пайызын төлеген жағдайда сексен бес мыңнан ал, қолма-қол алуға шаршы метрі сексен мыңнан алуға болады. Егер тұрғындар қалған сомасын несиега аламын дейтін болса, онда екі жылға дейін пайызсыз несие рәсімдеуге болады. Бір жылға да қарастырылған. Қалаға бармай ауылдағы «ҚазКом» банктен рәсімдеуге болады. Ақшасын төлеп болғандар үшін үйдің құжаттары нотариус арқылы жылдам әрі оңай атына берілетін болады. Егер қаражат салып қойып, сенімсіздік тудырған жағдайда қаражатты кейін қайтарып алуға болады. Бір бөлмелі пәтер 38,53 шаршы метрге дейін, екі бөлмелі пәтер 65,62 шаршы метрге дейін келеді. Бес кіреберіс, алдыңғы жағында балалар ойнайтын алаңы және автотұрақ ораналасады.

Мұндай мүмкіндіктен құр қалмай барынша сенімділік танытып, қолдау көрсетейік. Ауданымыздың өсіп өркендеуі үшін баршамыз бір кісідей атсалысайық.